... Пре завжатосц, наступа пауза у нашей роботи на сайту.

     У медзичаше приходзи лєтни оодпочивок, алє мушиме ище на даяки способ ше поздравиц зоз нашима матурантами хтори успишно закончели тот школски рок и розишли ше хтори кадзи. Жадаме им шицко найлєпше у дальшим школованю и живоце!

Най останє запаметане же школяр ґенерациї у Ґимназиї того школского року бул Бучко Михаел зоз IV₁ оддзелєня. 

Преглашенє окончене концом мая на шветочносци з нагоди Дня школи. З тей нагоди директор школярови ґенерациї додзелєл скромни дарунок як памятку на нашу Ґимназию и наглашел же тото припознанє дате правей особи (гоч було ище школярох цо були блїзко по своїх квалитетох тому велькому припознаню). Окрем того же Бучко у шицких штирох рокох мал лєм петици, вон бул успишни у велїх змаганьох з рижних предметох под час свойого школованя, вредни член фолклорней секциї у Доме култури, добри фодбалер у спортским дружтве "Русин" ...

        Тиж так, при здогадованю на сам конєц того школского рока, нє мож заобисц и нови дарунок хтори нам сцигол зоз Америки. Паночка М. Парвенски нас знова приємно нєсподзивала зоз пакетами рижного прибору за наставу. З тей нагоди ше найбаржей радую школяре цо их баржей интересує хемия пре числени прибор, слики, хемикалиї, кнїжки наменєни за успишне викладанє и звладованє того предмета. Окрем того ту и ствари потребни за други предмети - физику, астрономию, информатику...

  Наисце нєкаждодньови ґест єдней племенїтей души хтори у терашнїх наших обставинох ма наисце вельку чежину.

З нашого боку, за тераз - здрави будзце!!!  [ Далєй... ]

По тераз, найвекши успих! Даниєла Штайнфелд ше на  змаганю у рецитованю, 28. априла у Сечню -   пласовала на републичне змаганє!  Винчуєме...!

20. априла почал мемориял Петра Ризнича Дядї. Зоз нащивйованьом представох, школяре на хасновити способ препровадзую нови кратки розпуст пре швета. Боме, єст и активних учашнїкох зоз нашей ґимназиї - Даниєла Штайнфелд, Бучко Иґор,Яасна и Наташа Чапко."

Од 9. по 17. април находзиме ше на ярнїм, Вельконоцним розпусту. Требало би тот час добре вихасновац за "полнєнє акумулаторох" пред закончованяом того школского рока.

31. марца наша школа була домашня у єдней часци спортскей покраїнскей "Домияди". Школяре, тоти цо биваю у школярски домох (интернатох) под час школованя, на теренох нашей школи ше змагали у малим фодбалє. Нашо ше нє преславели, були осми од осем екипох. Перше место завжали школюре зоз Зренянину.

Роботнїки школи були приємно нєсподзивани зоз нащиву бувших колеґох - Чаканових, Ксениї и Звонимира, хтори тераз жию у Канади. У планє, з нагоди тей нащиви направиц вилєт (пикник) на беґелю.

Вишол школски часопис -  "Time-out". Toто часопис, такой соботу, 24. марца ше змагал зоз ище 12 подобнима часописами у Новим Садзе на змаганю школярских домох Войводини и завжал добре треце место. На истим змаганю школярка нашей ґимназиї зоз другей класи – Даниєла Штайнфелд завжала друге место  у рецитованю.  

Тих  дньох до школи сцигли и урядово резултати зоз медзиокружного змаганя зоз физики хторе отримане у Суботици 17. марца. На тим змаганю участвовали и нашо школяре хтори тото право виборели на општинским змаганю.

Од школярох нашей школи, у катеґориї перших класох найвецей боди мала Асталош Андреа – дзелєла 16. место од 40 школярох у тей катеґориї. Бучко Михаел у катеґориї штвартих класох завжал одличне друге место!  

Перши успих!

Клашня Мария  школярка I₂ класи на медзиопштинским змаганю зоз математики у Зомборе завжала друге место!!! (Лєм два боди менєй од першого).  

| Змаганя |

И того школского року орґанизую ше у штреднїх школох, як и по тераз, змаганя зоз рижних обласцох. Нашо школяре виступели на окружним змаганю зоз математики и општинским змаганю зоз физики. Општинске змаганє зоз физики орґанизоване у Керестуре соботу 17. Фебруара. На нїм участвовали 19 школяре. Зоз керестурскей ґимназиї 12, кулскей штреднєй машинскей школи 3 и польопривредней школи зоз Червинки 3 школяре.

У катеґориї перших класох бул найлєпши Шкрбич Воїслав зоз Кули котри мал 62 боди од можлївих 100, потим Францишкович Марина 56 боди, Пушара Даниєла 50 боди, обидва зоз керестурскей ґимназиї. Красни успих мала и Асталош Андреа, бо ше пласовала, вєдно зоз спомнутима школярами, на окружне змаганє хторе ше концом марца отрима у Суботици. Пласман на окружне змаганє до Суботици виборел и Бучко Михаел у катеґориї штвартих класох зоз освоєнима 50 бодами. 

 Розгварка зоз директором школи Янком Хомом [ Далєй ]

Дзень Святого Валентина

        Школяре ґимназиї и того року преславели дзень Святого Влаентина. З интузиязмом пририховали програму, хтора ше отримала у фискилтурней сали и на хторей присуствовали шицки ґимназиялци.

        Панои у нашим холу були украшени, а под нїма були шкатули до хторих школяре могли положиц писма и поруки, свойо найкрасши любовни писнї и гласац за найкрасши любовни пар у ґимназиї. На програми ше додзельовало писма школяром, найкрасша любовна писня Наташи Регаковей зоз I1 "Сонет шерцу" було наградзене як и найкрасши любовни пар Желька Ґаїч и Синиша Стрибер. После вибору бул орґанизовани диско дзе музику пущал Медо.

        Понеже векшина ґимназияалцох мушела отпутовац, диско нє тирвал длуго.

И попри того же програма була кратка, школяре були задовольни зоз орґанизацию такей преслави.

Ваня Сабадош и Ясмина Варґа

26. януара у нашей школи зоз початком на 12 годзин отримана святочна програма з нагоди швета Святого Сави.

    Програма отримана у фискултурней сали и нащивело ю вельке число школяпох. На самим початку хор школярох другей класи вишпивал святосавску гимну, а потим школяре штвартей класи пречитали свойо реферати хтори пририхтали з тей нагоди. Цала програма украшена зоз познатима композициями хтори виведзени на гармоники и синтисайзеру. После закончуюцих словох водительох нашо танцоше одтанцовали ужицке коло. Програма нє тирвала длуго, лєм пол годзини, публика була задовольна и провадзела ю з велькима аплаузами. А истого дня, вечар роботнїки нашей школи, на “Лонґове“ отримали свойо традицийни прадки

Школяре и наставнїки нашей школи у перших дньох Нового року дожили вельку радосц, достали нєзвичайни дарунок. На адресу нашей школи сцигли три вельки пакети аж зоз далєкей Америки. Послала их dr. Michele Parvensky [ Далєй... ]

17.10.2000.-Отримани крос у лєшику за школярох ґимназиї. За орґанизацию кроса ше постарали професоре Актива физичней култури.

07.09.2000.- З нагоди означованя рочнїци рускей ґимназиї, у Новим Садзе у просторийох Културно-просвитней заєднїци, отримана промоция двоязичней (сербско-рускей) кнїжки "Руска ґимназия" авторки Ирини Папуґовей. Присутни були Пап Иван, Владимир Бесерминї, Варґа Ксения и Николич Мелания. Тиж так була присутна и Божана Тамич, началнїк министерства у Зомборе. Вистава малюнкох - Мита Пушкаров. О кнїжки бешедовали Оливера Маринков, секретар КПЗ Войводини, - Ирина Папуґа, автор кнїжки - Владимир Бесерминї, проф. и помоцнїк директора - Михайло Фейса, член ушорйовацкого одбору - Симеон Сакач у мено комисиї за Ґимназию.

27.09.2000. - У красним амбиєнту Етноґрафского музею "Замок", отримани штварти стретнуца писательох Италиї и Югославиї. Госци того вечара були: Дюлия Базиле, поетеса и городоначалнїк городу Ночи, др Ґаетано Бучи, декан и професор на Универзитету у Барию, Андєла Дяниели (Бари), Роберто Фуяно (Бари), Филимена Плантоне (Ночи), Козимо Родиа (Таранто), Кармен Моторезе (Таранто), Жарко Димич (Сримски Карловци), Зоран Дєрич - литеррарни критичар з Нового Саду. Госцох привитала Наталия Дудашова, заменїк министра култури у Влади Републики Сербиї и предсидатель Рускей матки. Преклади по руски читали Славица Сендерак и  Михайло Зазуляк. Покровитель тих стретнуцох було Министерство култури Републики Сербиї, Покраїнски секретарият за културу, науку и обреазованє АП Войводини, Руска матка, НВУ (Руске слово) и Скупштина општини Сримски Карловци.

28.10.2000. - Одход до Беоґраду на саям кнїжкох. Орґанизатор проф. Мария Будински. Зоз ґимназиялцами були ище: Чапко Еуфемия, Мелания Николич, Невенка Пєщич и Александра Карапетрович.

| назад |

школа нєшка | историят школи | колектив| конкурс | збуваня | мапа | линки