:: Збуваня 2001/2002

Збуваня на концу школского року и през лєто були числени.

Нащивела нас паночка др Мишел Парвенски зоз Америки, знова зоз дарунками. Опатрела школу, валал "Червену ружу"...

Школа дала свойо капацитети (двор, учальнї) за отримованє фестивала "Червена ружа". Дом школярох бул нєпреривно завжати зоз рижнима госцами зоз жеми и иножемства, зоз културнима и спортскима роботнїками, спортистами (джудисти и рукометаше) хтори ту пребували на пририхтованьох и як учашнїки рижних курсох. Госци у школи були и уметнїки - учашнїки колониї "Няради", та школяре лєтней школи Руснацох и Українцох.

Закончени и велї роботи коло рижних векших и менших оправкох, комплетне пораєнє будинкох же би школяре у приємним амбиєнту започали нови школски рок.

Дзень школи ше почал преславйовац 24. мая зоз спортскима змаганями шкоолярох з основних школох. Зоз нашима младима спортистами змагали ше и Коцурци Дюрдьовчанє, потим школяре зоз Дироню, Ридїци, Байши и Кули. Преслава ше предлужи у Доме култури на нєдзелю зоз шветочну програму наших школярох и членох Дома култури. После програми шлїдзи друженє колектива школи и їх госцох

Пияток, 17. мая, нашо матуранти дожили остатнї дзень у настави у Ґимназиї. Було и весело, з писню, алє и зоз слизами у очох. Остало ище ше превешелїц на матурским балу 27. мая у керестурским ресторанє, попокладац матурски испити, а боме дакому и поправни.

матуранти 2002

Вишол нови "Time - out" популарни школски часопис ...

Нашо у малим фодбалу на општинским змаганю завжали друге место; на спортскей домияди у Сримскей Митровици Любица Вуйович (III2), завжала друге месту у штреляцтву.

У фебруаре почали школски змаганя зоз рижних обласцох. Наша школа була домашнї и орґанизатор змаганьох зоз математики, физики, одбойки, кошарки ...

Красна подїя за Ясну Папуґову зоз трецей класи - єден тидзень (од 2. по 9. фебруар) була у виглєдовацким центре у Петници на курсу зоз математики ... [ обширнєйше ]

МЕДЗИОПШТИНСКЕ ЗМАГАНЄ ЗОЗ АНҐЛИЙСКОГО ЯЗИКА

16. марца у Зомборе.

Наш школяр Борис Сабадошов зоз IV класи мал замерковани успих - бул медзи 7 найлєпших змагателяох од хторих ше, нажаль, нїхто нє пласовал за дальше, републичне змаганє

РОБОТНА АКЦИЯ

Штредком марца мешаца нашо школяре участвовали у нєобично важней акциї за наш валал - полєшованє хотара. З тей нагоди посадзели даскельо тисячи млади древка коло валалу.

ОПШТИНСКЕ ЗМАГАНЄ ЗОЗ ФИЗИКИ

Соботу 9. марца, наша школа була орґанизатор општинского змаганя зоз физики. Окрем наших ґимназиялцох, як и прешлих рокох на тим змаганю участвовали и штредньошколци зоз Кули и Червинки. Найлєпши успих посцихла школярка першей класи нашей Ґимназиї - Ґабриєла Стєпандич зоз освоєнима 58 бодами. Пожадайме Ґабриєли же би була поволана на висши ступень змаганя, на окружне. У каждим случаю - ВИНЧУЄМЕ!

ИНТЕРЕСАНТНЕ ПРЕПОДАВАНЄ

Професор Иван Пап за ґимназиялцох и старших школярох основней школи отримал преподаванє о Михайлови Врабельови нашому визначному учителяови и културному роботнїкови, котри у Керестуре пребувал коло 10 роки концом IX вику.

РАХУНКАРСКИ КУРС

Заинтересовани роботнїки 14. 2. 2002 започали ученє хаснованя компютерох. Роби ше пополадню каждей стреди вечаром у двох ґрупох. За тераз процес чече успишно, "Школяре" вредни, послушни та ше обчекує же пофришко сами и без страху буду хасновац тоти сучасни можлївосци за каждодньову роботу ...

СПОРТСКИ ЗМАГАНЯ

У фебруаре почали школски змаганя зоз рижних обласцох. Наша школа була домашнї и орґанизатор змаганьох зоз математики, одбойки и кошарки ...

УСПИХ

Красна подїя за Ясну Папуґову зоз трецей класи - єден тидзень (од 2. по 9. фебруар) була у виглєдовацким центре у Петници на курсу зоз математики ...

ДЗЕНЬ СВЯТОГО САВИ

Пияток 25. януара шицки и школяре и професоре означели и преславели школску славу

ПРАДКИ

Вечар у школи орґанизовани за шицких роботнїкох школи и їх госцох уж традицийни прадки

КОНЄЧНО РОСПУСТ

Швета, а на роспусту, медзииншим матуранти и дзепойєдни други нашо школяре мали красну екскурзию - жимованє у Словацкей у Медзилаборцох [ Слика ]

НОВИ РАХУНКАРИ

Початком децембра до нашей школи сцихли 5 рахункари - Pentium II. Гоч то нє нови "машини" , то за нас вельке ошвиженє бо вєдно зоз старима "машинами" на годзинох информатики на двох школюрох будзе єден компютер. Тиж так и наставнїки достали єден рахункар у читалянї за свойо потреби (за власне усовершованє, пририхтованє за годзини..)

СЕМИНАР

17.новембра домашнї зме општинского семинару у вязи нового плану и програму у реформи школи хтора ше пририхтує.

Окрем учительох, наставнїкох основних школох, професорох штреднїх школох, надзорнїкох, на семинаре участвовали и школяре и родичи. Сам способ роботи бул нєкаждодньови, алє квалитетни та мож повесц же и барз успишни.

КОСТЕЛЬНИКОВА ЄШЕНЬ 2001.

Уж осем єшенї Керестуром ше розляли Костельниково стихи, Костельниково дїла. Вецей нє пиха знац же хто бул Гавриїл Костельник, то уж зна и мале дзецко, алє пиха знац його писньочку и рецитовац ю на "Костельниковей єщенї". На такей манифестациї того року бул уключени широки спектер програми. Отворена є зоз вечаром рецитованя и промоциї кнїжки М. Далмациї "30 роки рецитованя у Войводини" 12.10.2001. Вечар бул попреплєтани з толкованьом автора о писаню такей файти кнїжки и з рецитованьом стихох успишних рецитаторох зоз Керестура, Коцура, Вербасу... После промоциї одбавена представа "Бависка у заднїм дворе". "Костельникова єшень" предлужена шлїдуюцого пиятку 19.10.2001. Положене квеце на памятнїк нашого велького писателя и линґвисти Гавриїла Костельника. После того ше школяре Основней школи и Ґимназиї "Петро Кузмяк" мали нагоду стретнуц зоз визначнима рускима писателями, Меланию Римар и Штефаном Гудаком. Писателє бешедовали о своєй творчосци, своїх початкох и инспирацийох. Штефан Гудак отримал промоцию своєй новей кнїжки и достал слику як памятку на тото стретнуце. Того истого вечара у школским холу отримани єден нєзвичайни вечар творчосци керестурскей омладини под назву "Предлужуюци нїтку". Нєзвичайни бул прето же таки способ читаня поезиї нє бул до теди приказани, а анї така опущена атмосфера нє була посцигнута на других вечарох поезиї. То була програма у котрей поезию читали млади авторе, рецитовани були Костельниково стихи, виводзени модерни шпиванки и танци, указани виривок зоз Костельниковей драми "Єфтайова дзивка". Сценоґрафия була єшеньского характеру. Велї тот вечар прекоментаровали за найориґиналнєйши пре нєпреривне провадзенє акустичних ґитарох. Закончуюци вечар традиционално отримани у керестурским ресторану, хтори бул святочного характеру.

Тогорочна манифесрация була рижнородна и интересантнєйша пре векшу учасц младих у орґанизациї.

| назад |