|24.06.03| Остатнї дзень у тим школским року за ґимназиялцох. Даєдни оддзелєня го препровадзели на вилєту. Остало ище лєм присц по свидоцтва на соботу.

|21.06.03| Отримани семинар за професорох ґимназиї у вязи наиходзацей реформи школи              

|17.06.03| Матурантом пририхтана шветочносц з нагоди законченя свойого штирирочного школованя у керестурскей ґимназиї. Найважнєйша и найупечатлївша часц шветочносци була додзельованє дипломох матурантом

 |07.06.03| У рамику преслави 250 рочнїци образованя були зме домашнї стретнуцу школох дзе ше учи и пестує руски язик.

|01.06.03| Отримани матурски вечар! Весело до рана (скоро до поладня)              

                                                                                                                          IV₁ и їх класни ст. Йоаким Биркаш

|23.05.03| Вишол "Time out"

|20.05.03| Матуранти мали остатнї наставни дзень! Час после настави предлужели на заєднїцким вилєту на базенє у єдней приємней опущеней атмосфери. 

|07.05.03| Почали интензивни роботи на пририхтованю ґимназийского часопису "Time out". Наздаваме ше же шицко будзе закончене у цеку того тижня

|04.05.03| Eкскурзия у Греческей ше успишно закончела. Шицки полни з найкрасшима упечатками.

|29.04.03| Почала з роботу подобова колония з нагоди преслави 250 рочнїци образованя. Ту, у школи, змесцени 15  нашо подобово творителє и кажди дзень вредно робя на своїх дїлох- углавним то рижни мотиви зоз Руского Керестура. Колония "250" ше закончує 4. мая.

 |24.04.03| Находзиме ше на ярнїм розпусту! Вшелїяк же го найлєпше препровадза дзепоєдни матуранти и школяре трецих класох бо внєдзелю пошли на екскурзию до Греческей.

|16.04.03| Отримани ярнї крос.

|12.04.03| Старши школяре основней школи и ґимназиялци учaствовали у пораєню школи, єй околїска и валала. На тот способ, окрем же себе направели здравши и красши амбиєнт, придружели ше и акциї на уровню цалей Войводини - "Очисцме Войводину"

|04.04.03| Роботнїки школи (коло 30) присуствовали семинару активного ученя хтори бул орґанизовани у нашей школи и тирвал три днї. Семинар бул успишни и мал циль - пририхтовац наставнїкох за нови, квалитенєйши способ роботи у реформованей школи хтора ше пририхтує.

|29.03.03| Отримана схадзка  Орґанизацийного одбору преслави 250 рочнїци образованя.

Школяром осмих класох и їх родичом на знанє!

Акция - "Отворени дзвери" ше витворела соботу 22. марца (мала нащива). Иста акция отрима ше и идуцей соботи 29. марца. Придзце, упознайце нашу Ґимназию нєпоштредно, то Вам помогнє при вибору будуцей штреднєй школи!

|15.03.03| Штверо нашо школяре ше пласовали на реґионалне змаганє зоз физики! То Ивана Будински I класа, Ґабриєла Стєпандич II класа, Марина Блаґоєвич III и Ясна Папуґа IV класа. Медзитим, пре позарядови стан у жеми змаганє одложене.

|08.03.03| Швето - Дзень женох означени у колективе скромно и роботно. На закуски коло поладня хлопи своїм колеґиньом подаровали дарунки. Иншак, як и звичайно пред таким шветом, пияток, цала школа була у знаку винчованкох и квеца.

|22.02.03| Були зме домашнї општинского змаганя зоз физики, на котрим окрем наших школярох участвовали и школяре штреднєй школи "Михайло Пупин" зоз Кули. Найлєпши резултат посцигла наша школярка Ґабриєла Стєпандич зоз другей класи ґимназиї. Ґабриєла посцигла ище єден красни успих - прията є, и уж одпутовала до виглєдовацкого кампу у Петници на ґрупу за психолоґию. По числу освоєних бодох од шицких змагательох зоз физики на другим месце - Ивана Будински зоз першей класи ґимназиї. Вона тиж вибрана до Петници на ґрупу за физику.

|15.02.03| Традицийни школски прадки отримани у школи. Чкода лєм же зме нє мали сликерню,же бизме и документовали атмосферу зоз того веселого вечара. Алє и так би ше можебуц нє видзело дацо важне, цо нє "лапа" анї єден обєктив, же яки ориґинални и смачни єдла нам нашо кухаре порихтали, весела атмосфера, богата томбола, квалитетна музика - вешелє до рана.

Од 09. 02. по 15. о2. того року у Беоґрадзе у штредньошколским доме "Єлица Милованович" отримала ше шеста по шоре школа за млади литерарни таланти Сербиї. Зоз нашей Ґимназиї участвовала Регак Наташа - школярка III₁ oддзелєня. 

|8.02.03| Отримани у школи, лєм за наших роботнїкох хасновити цалодньови семинар под назву креативни оддзелєнски старшина. Семинар водзели Драґана и Моихайло Гайдук зос Суботици, а донатор бул Покраїнски Секретарият за образованє и културу.

Роботи коло пририхтованя преслави 250 рочнїци образованя у Руским Керестуре, зоз початком другого полрочя ше интезивую.   Отримую ше схадзки по комисийох и вибрани амблем преслави.

  |27.01.03| Школска слава Святи Сава у нашей школи означена зоз шветочну програму хтору виведли школяре ґимназиї и основней школи. На програми окрем школярох присуствовали роботнїки школи и представнїк општини Кула хтори нам повинчовал славу и подаровал красну кнїжку.

Пременєли зме випатрунок нашого сайту и пре технїчни причини (релативно вельки простор) мушели зме пременїц адресу.

|19.01.03| Початок другого полрочя обрадує и школярох и роботнїкох бо нам фонд зоз рахункарами обачлїво помоцнєни зоз пейцома новима Pentium4 рахункарами. Машини купени зоз власнима средствами и основне нам жаданє же би их и школяре и роботнїки цо вецей хасновали и каждодньово применьовали.

|16.01.03| Скияше ше щешлїво врацели зоз жимованя зоз Медзилаборцох у Републики Словацкей.

|08.01.03| Єдна ґрупа Керестурцох штварток вечаром одпутовала до Словацкей до Медзилаборцох на жимованє. Медзи нїма єст и наших матурантох и других школярох. Гоч путованє розпочало по правей курняви и велькей жими, чуєме же ше путованє закончело успишно. Лєдво чекаме упечатки зоз пребуваня у "наших" Медзилаборцох.

|28.12.02| Даскельо днї пред роспустом и шветами до школи сцигли и дарунки - три рахункари, дарунок познатей шветовей фирми "Simens". 

  Терашнї и бувши нашо ґимназиялци маю значну улогу у снованю єдней новей и иншакей орґанизациї на тих просторох - "Pact Ruthenorum"

  Тогорочна єшень, єшеньски шветочносци у Руским Керестуре, а поготов у нашей школи була богатши за єдно приємне, уж традицийне друженє з милима госцами зоз Медзилаборцох у Републики Словацкей...

  Уж традицийни Дзень просвитних роботнїкох (8. IX пияток, на Михала) ше перше почал преславйовац ище у школи, под час велького одпочивку зоз часценьом у форми рижних сладких и чечних лакоткох за хтори ше остарала управа школи, кухарки и Михалове зоз колектива. У вечарших годзинох преслава орґанизована и на уровню општини у Кули на чарди у Родича. Ту були члени колективох зоз шицких школох у нашей општини, а того року домашнї преслави була основна школа зоз Сивцу. Було шветочно и весело до позних годзинох.

  У рамикх "Костельниковей єшенї" ..., з нагоди 70-рочнїци народзеня, нашу школу нащивели найблїзши зоз фамелийох Миколи Скубана и Витомира Бодянца. У тей манифестациї значну улогу мали и ґимназиялци

  Зоз початком октобра маме нового директора! То Тат'яна Бучко Рац хтора по тераз робела у нашей ґимназиї як професор математики. На тим месце заменєла потерашнього директора Янка Хому хтори ше враца до настави як професор ґеоґрафиї.

 У мешацу  кнїжки того  року ошвижуєме уж  досц богати фонд кнїжкох  у библиотеки. Зоз нашима средствами нє у можлївосци зме провадзиц збуваня у сучасней науки. Прето зме нє актуелни, застарели, та ше на тот способ обрацаме за помоц (у пенєжу) шицким бувшим школяром  и другим добронамирним людзом.

  Oриєнтацийни план за програму "Костельникова єшень" таки же би перши дзень бул пошвецени здогадованю на Миколу Скубана и Витомира Бодянца. У вечарших годзинох плановани наступ хорох з наших местох, зоз Зомбора и України, а школяре ґимназиї даю свою програму та. Окрем того, у пополадньових годзинох, отрима ше школски крос, отверанє вистави. Шлїдуюцого дня предвидзене представянє нових виданьох, значних за нашу културу, покладанє квеца на памятнїк Гавриїла Костельника и традицийни "Струни шерца" з поезию, музику госцами-писателюми з Беоґраду. Остатнього дня отрима ше концерт госцуюцого хора и театралней представи - побиднїка на тогорочним мемориялу Петра Ризнича Дядї. Под час тогорочней преслави обчекуєме и госцох зоз Словацкей зоз школи у Медзилаборцох.

  Штварток 19. септембра у нащиви нам була делеґация познатей у швеце нємецкей фирми - Сименс. Псле кратшого обиходу школи водзела ше кратша розгварку зоз управу школи и на основу того обчекуєме и даяки дарунки.

  Уж у першим тижню школярох перших класох ґимназиї привитали познати писателє - Душко Трифунович и Давид Кецман зоз итересантну розгварку и дзепоєднима пречитанима власнима творами.

  Нови школски 2002/2003 рок почал зоз рекордним числом школярох у перших класох. У сербских оддзелєньох скоро максималне число, а у руским єст 17 школярох. Характеристика того школского року и тото же руша (по першираз) и настава нового предмета - гражданске воспитанє. (19 заинтересовани школяре)

| назад |

школа нєшка | историят школи | колектив| конкурс | збуваня | мапа | линки