Цали 2003. бул у знаку преслави 250 рочнїци образованя у Руским Керестуре. 

Остатнї сеґмент преслави - НАУКОВА КОНФЕРЕНЦИЯ у вязи 250-рочнїци образованя на руским язику отримани у школи соботу 1. новембра

Други о нас

* * *      

- Oд 7. мая у нащиви нам братска школа зоз 

                                                            Медзилаборцох!  >>>

- Концом школского рока, конєчно вишол и ґимназийски часопис "Time out"

- Концом школского рока, конєчно вишол и ґимназийски часопис "Time out"

18. VI у керестурским ресторанє на шветочни способ матурантом подзелєни дипломи! 

З тей нагоди окреме була похвалєна Наташа Регакова за посцигнути успих           републичного уровня,  Йовица Дюкич за 3. место на европским змаганю у          каратеу як член репрезентациї СербиЇ и Чарней Гори и школяр ґенерациї - Марина   Францишкович.

       Остатнї наставни дзень - 18. maj                                                                          

                                                    IV₁                         IV₂                      IV₃

- З нагоди Дня школи, хтори преславени того 25. мая, ґимназиялци отпатрели професийну театралну представу зоз Беоґраду - "Лєм за твойо уха" и то зоз вельким одушевийом. 

   У рамику преслави преглашени и школяр ґенерациї. Того року то 

            Марина Францишкович зоз IV_3. Винчуєме!!! 

- Школярка IV₁ класи Наташа Регак вибрана до финала з нагоди 12. Поетского конкурса "Десанка Максимович". Наташа вєдно зоз дзешец школярами Сербиї будзе участвовац на финалней часци того конкурса у Валєву 14. мая. 

- Тих дньох почали роботи на твореню нового числа школского часописа "Time out"

- На реґионалним змаганю зоз физики 24. IV u Aпатинє Ґабриєла Стєпандич завжала солидне штварте место

- Матурска екскурзия щешлїво закончена       

- На домияди 3. априла у Вршцу, нашо дзивчата завжали високе друге место у кошарки

- 31. III вечар Матуранти пошли на екскурзию до Будимпешти.

- У тим мешацу (марец) у цеку рижни змаганя штредньошколцох. Замеркованши резултати зазначели нашо змагателє зоз физики на општинским змаханю у Кули. Од шицких найлєпша була Ґабриєла Стєпандич  зоз трецей класи зоз 42 бодами, Сандра Няради  и Боян Колошняї першей класи зоз 32, односно 27 боди и Ивана Будински зоз другей класи, а на медизопштинским змаханю зоз анґлийского язика Даниєла Пушара штварта класа, завжала пияте место (мала лєм бод менєй од першопласираного змагателя).

- И того року зме мали представителя у Виглєдовацким центре у Петници! Ивана Будински, школярка другей класи, цали прешли тидзень була активни виглєдовач у програми зоз биолоґиї.

- Шицки заинтересовани роботнїки школи, а приявело ше их прейґ 30, штредком фебруара, започали нащивйовац основни курс за хаснованє рахункарох. Викладаче тиж роботнїки нашей школи, место отримованя то наш кабинет информатики, робота ше окончує стредами у двох ґрупох.

- Прадки 2004. по традициї були успишни, весели и добре нащивени. Анї того року нє знєверене правило добрей музики и смачного єдзеня... (слики вецей вредза як слова, та хто сце найшепачи на фоторепортажу).

- Кабинет информатики цалком вименєни. Купени и инсталовани 10 нови рахункари, так же тераз у тим кабинету єст 15 добри машини хтори умрежени и повязани на интернет. Тиж так до интернату сцигли, як дарунок Министерства просвити, 5 рахункари и 5 принтери за потреби тих цо у интернату.

- Друге полрочє почало зоз шветочносцу з нагоди школскей слави  Святого Сави. Єдногодзинова програма отримана у полней сали, а пририхтали ю школяре ґимназиї и основней школи.

12. IX у нашей школи отримани општински штредньошколски турнир у одбойки. Нашо були треци и у хлопскей и у женскей конкуренциї. 

- 7. IX у Кули було вешелє з нагоди Дня просвитних роботнїкох. Шлїдуюцого року домашнї и орґанизатор тей шветочносци будземе ми.

- Костельникова єшень. Як уж и звичайно, пияток школяре присуствовали на годзинох на хторих нашо писателє Михал Рамач, Мария Дорошкова и професор Владимир Бесерминї мали презентацию своїх найновших кнїжкох. Вечар, у ресторанє бул отримани митинґ поезиї преткани зоз уметнїцку музику. 

- Нащива братскей школи у Медзилаборцох у Словацкей од 23. по 27. X. З тей нагоди зме присуствовали преслави 40-рочнїци школи у улїци Коменскохо и врацели зме ше полни зоз найкрасшима упечатками. Тоти цо там були уж вецей раз и зоз думку же були у другим доме. На фотоґрафийох лєм мала часц приємней атмосфери на каждим крочаю. 

- Означeни Мешац кнїжки - нащивени саям кнїжкох у Беоґрадзе 22. X. Красна и хасновита традиция ше предлужує. Того року зме саям нащивели аж на двох автобусох

- Так почал нови 2003./04 школски рок

| назад |

школа нєшка | историят школи | колектив| конкурс | збуваня | мапа | линки