У холу були порихтани шкатули за писма

и писнї, а панои украшени зоз велькима рисунками одзелєньох основней школи. Школяре од пиятей по осму класу мали орґанизовану програму, на хторей вони и участвовали зоз своїма креативнима идеями... Ґимназиялци виберали найкрасши и найзалюбенши пар, а побиднїки Михайло Хома IV₁ и Наташа Катона I₁. Винчуєме!

З тей нагоди зме позберали даскельо интересантни литературни роботи наших школярох, праве на тему о котрей бешедуйеме, о любови...

За Мижа

Питам ше чи маш шерцо,

Чи камень дзиру у першох попольнює,

Чи пренайдзем морйо вельке

Дзе слиза моя без конца путує.

Патрим, алє око прекрасне

Мнє нїґда у молги нє обачує,

Конєц мой сон остатнї танґо

Зоз рухом шлєбоди, алє болю танцує.

Болї душо, болї пребарз,

Ти идзеш и слунко ци ше шмеє,

Любов нова твойо нїжнє лїчко греє,

А мойо шерцо, мойо шерцо ше, душо, скаменєє.

Час преходзи, нє враци ше,

Моя любов, надїя моя чиста як злато,

Ти зоз єдним рухом

Знїшищ и постанє блато.

Тамара Хрин III₁.

Моя писня йому

1. часц

Габи ми ноша мено твойо,

Слункова заря цело твойо означує,

Патрим до швета дзе ладя путує,

Шицко ме на це мили здогадує.

Цо ми принєше ище єдно рано,

Хто ме пребудзи и нїжно побочка,

Место нїжних устох твоїх то будзе мамочка,

Док през отворени облак зяви ше капочка.

Нє будзе то дижджик хтори єшень означи,

Алє слиза любови поцихучки путує,

бо вона ше душо на це здогадує,

а мнє до вичней самоти поволує.

Знам, бо чежко це забудзем сама,

знам бо моя душа занавше зламана,

Знам, бо плачем и слиза горка ме болї,

Бо мой мили принцезу у болим волї.

2. часц

Шмишне ци мили 

Же моя рука ше треше,

А твойо бависко скриваня

Колїсанка витра до жими однєше.

Плачем душо, плачем,

Сцеш да це забудзем

Заврем очи, нє отворим,

И знова, и у тим швеце твоя будзем.

Док одходзиш поведз ми мили

Тото слово полне чаривних мотилькох,

Поведз же ме нє забудзеш

И же ше здогаднєш душо

Мойого часу и моїх сликох.

Любим це, а око твойо 

Од цмоти ше гласно бої,

Моя слиза завше

У куцику твойого шерца стої.

Тамара Хрин III₁

[назад]

школа нєшка |историят школи | колектив| конкурс | збуваня | мапа | линки