СТ’ЄПАНДИЧ ҐАБРИЄЛА -ШКОЛЯР ҐЕНЕРАЦИЇ за 2004/05 шк. рок

   - 20. юния зме ше по остатнїраз стретли з нашима матурантами. Под час програми, хтору пририхтала III класа ґимназиї, у ресторану було святочне додзелгованє дипломох матурнтом хтори свойо штиророчне школованє успишно закончели у ґимназиї «Петро Кузмяк». Директорка шицким пожадала вельо успиху у дальшим школованю и вєдно зоз другима професорами их випровадзела на драгу хтора пред нїма.

- У Вешелю 1. юна у керестурским ресторанє, до рана отримани матурски вечар.

   Ниа як ше поприберали матуранти и їх класни старшинове (Еуфемия Чапко,  

   Мария Будински - професоре сербского язика и Иван Пап - професор историї) за  

   тоту шветочну хвильку.

- Єдна часц матурантох на концу школского

   рока

                                                                                              IV₁              

- Пияток 27. мая матуранти мали остатнї наставни дзень. Остало им ше порихтац за испит хтори их обчекує початком юния и вшелїяк за трдицийни матурски вечар.

- 20. Мая отримани ярнї школски крос.

- Соботу, 07. мая ше зоз Греческей врацели нашо матуранти, дзе були на матурскей екскурзиї. Упечатки наисце красни и позитивни. То було їх остатнє путованє як ґимназиялцох ґимназиї Петро Кузмяк.

- Пририхтованя за нове число школского часописа Time out у цеку. Планує ше же би число було закончене по дзень школи, а же би так наисце и було, модлїме шицких заинтересованих школярох же би ше явели зоз своїма предкладанями, текстами, темами або кед су порихтани помогнуц редакциї часописа.

-  Цали тот тидзень матуранти ше находза на екскурзиї у Греческей. Жичиме им щешлїве пребуванє и врацанє!

- Општинске змаганє у рукомету було отримане у Кули, 22. априла, дзе госцовали и нашо ґимназиялци. Велї з нїх тренираю рукомет, та им нє було чежко знайсц ше бавяци за тим своєй школи. Друге место на тим змаганю завжали и хлопска и дзвчатска екипа. Шлїдуюцого дня медзи школярами було тиж так напарте, бо отримани општински крос у Керестурским лєшику. Нашо школяре були (як и вше по тераз) швидки, та посцигли шумни резултати. Пласовали ше на републични крос хтори будзе отримани 07.мая у Сримскей Митровици. 

- 15. априла у РНТ "Дядя" почал XXXVII драмски Мемориял. Репертоар бул наисце рижнородни и интересантни. Випатра же ше ґлумци найсиґурнєйше чуствую кед су сами на сцени, та прето виведзени досц монодрами. 24. априла, нєдзелю вечар була виведзена професийна представа "Општинске дзецко", хтору одбавели ґлумци зоз Кикинди, а зоз тим мемориял закончени.

- Як цо зме вас уж обвисцели, 16. и 17. априла у Сечню була отримана покраїнска смотра рецитаторох. Надалєко познате же ше нашо рецитаторе зоз змаганьох найчастейше врацаю з наградами, та так було и тераз. Ивана Рац зоз IV₁ пласовала ше на републичне змаганє.

- 1.априла, соботу,  у Кикинди отримане ище єдно стретнуце интернатох Войводини, спортска домияда. Нашо штредньошколци ше змагали у фодбалу, шаху, а дзивчата и у одбойки.  

- Соботу, 19.и 20. марца отримана зонска смотра рецитаторох у Деспотове. На щесце, було досц учашнїкох хтори рецитовали на руским язику, а були наисце успишни. Єдна з нїх и наша ґимназиялка Ивана Рац зоз IV₁. Ивана ше пласовала на покраїнску смотру хтора ше отрима 16. и 17. априла у Сечню. Жичиме єй вельо щесца на дальших змаганьох и навияме за ню!

- Ивана Будински, такой по змачаню зоз физики у Кули, по пиятираз пошла до Петници на жимску часц семинара зоз биолоґиї.

- Марец мешац - мешац кед ше отримую у велї школски змаганя на општинским уровню. 

 *Найлєпши резултати посцигнути зоз сербского язика дзе маме два пласмани за реґионалне змаганє. Коларич Милица I₃, Боянич Яна III₂, Баязетов Бисерка IV₃, и з историї на реґионалне змаганє пойду Колошняї Боян II₁и Тривунчич Татияна III₃.

 *Найлєпши резултат зоз физики од шицких змагательох у општини посцигла наша школярка Рамач Александра.

- Под час општинского змаганя зоз физики професоре отримали и актив викладачох физики дзе ше найвецей догваряло о преслави цалого 2005. року як рока физики, понеже Зєдинєни нациї преглашели по першираз у своєй историї єден рок як рок даєдней науки.Тот рок будзе на одвитуюци способ означени у цалим швеце, та и у нашей општини. 

- Початком марца Боян Колошняї нащивел виглєдовацку станїцу у Петници и присуствовал на курсу зоз астрономиї.

- 19. фебруара у Апатину отримане окружне змаганє зоз математики за ґимназиялцох. Од наших школярох на тим змаганю найлєпши успих посцигла Михаела Пап - 3. место, потим Роберт Джуджар - 4. место. Обидвойо зоз I_1. Михаела мала и найлєпши успих на општинским, дзе посцигла максималних 60 поени! Школяре трецей класи на тим окружним змаганю нє посцигли визначни резултати, алє ше добре закладали.

- Поетска школа за млади литерарни таланти Сербиї >>>

- 14. фебруара 2005. року у нашей школи означене швето Св. Валентина, або, як ше модернєйше гутори дзень заблюбених >>>

- Пияток 4. фебруара хто ше нашол у школи видзел наших роботнїкох и їх госцох у нєзвичайней атмосфери. Кажде забул на мали плаци, на драготню, бриґи у роботи бо ше отримовали традицийни прадки. Як и по тераз шицко прешло у вешелю, квалитетним, стародавним єдзеню, добрей музики...У таким амбиєнту зме випровадзели и двох наших роботнїкох до заслуженей пензиї Марию Гарди и Юлина Гербута. >>>

- Як то уж традиция наклада и тото полроче почало зоз означованьом школскей слави Св. Сави. Як и по други роки програму пририхтали вєдно и ґимназиялци и школяре основней школи.

O поєдиносцох шицко гуторя тоти даскельо фотоґрафиї хтори зняли сами школяре.

- Школски 2004/05 рок почал шветочно. Положени фундаментни камень новей школско спортскей хали.

- у сотруднїцтве зоз руску редакцию Радио Нового Саду, ґимназиялци почали правиц полгодзинову радио емисию. Нам задаток направиц концепцию емисиї, найсц материял, вибрац музику, шицко зняц у школи и на концу нарезац ЦД и послац го до студия. Емисия назви Тиме оут ше емитує з новосадского студия штварток на 9 h i 30 min. на 97,2 МHz.

- Октобер - Мешац кнїжкох - нащивени у Беоґрадзе и саям кнїжкох. На саям пошол єден автобус школярох.

- Пририхтованя за манифестацию Костельнїкова єшень почали у отобру. Манифестация ше отрима початком новембра у вецей наших местох. Як и вше и наша школа будзе мац важну учeсц у витвореню тей єшенскей манифестациї

| назад |

школа нєшка | историят школи | колектив| конкурс | збуваня | мапа | линки