НАШО МАТУРАНТИ

              IV₁                     IV₂                           IV₃

- Дзень школи того року ше почал преславйовац ище штварток вечар 25. мая вечар зоз шветочну приредбу. На самим початку придани дарунки професором Будински Мариї, Хома Янкови и Надь Михалови за 25 роки вирносци колективу. Ютре дзень, пияток, преслава предлужена зоз спортскима змаганями основношколцох домашнїма и їх госцами зоз Дюрдьова и Коцура. У холу школи отримана промоция часописа "Тime out", матуранти ше одпитали од нас бо им тот дзень бул остатнї роботни дзень у нашей школи. 

- "Тime out", ґимназијски часопис, дїло нас школярох, видруковани и

подзелєни школяром на читанє. 

Цо робели, цо их интересовало...2005/2006

- 11. марца на општинским змаганю штрдньошколцох зоз сербского язика школяре нашей ґимназиї Сашка Спасич I₃, Сара Ачански II₂ и яна Боянич IV₂ завжали перше место.

- Пияток, 24. II участвовали зме на квизу "Кельо ше познаме" хтори оранизовал Покраїнски секретарият за управу преписаня и национални меншини. Окрем нас змагали ше и ґимназия С. Милетич зоз Н. Саду, ґимназия з Вршцу и економска школа зоз Сомбора. До самого конца зме ше добре тирмали, алє перше место и дальши пласман завжали Сомборчанє. Наша екипа була у составе Таня Тривунчич зоз IV₃, Страхиня Паравина и Милена Милованович III₃ и Боян Колошняї III₁. Заш лєм нашо шпивачки ше указали як найлєпши, та су поволани же би ище раз, позарядово, наступели на идуци пияток.

- Того мешаца двоме нашо школяре пребували у Виглєдовацкей станїци Петница при Валєве. Чапко Славко  з I₁ бул на семинару з линґвитики, а Джуджар Роберт II₁ зоз астрономиї

- Штредньошколски змаганя за чечуци школски рок почали. Перши наступели математичаре хтори соботу, 28. II отримали општинске змаганє у нашей школи. Нашо ґимназиялци були барз добри и од штирох катеґорийох за окружне змаганє ше пласовали тройо. Пап Михаела у катеґориї других класох, Няради Сандра и Виславски Мирослав треци класи и Будински Ивана при штвартих класох.    Физичаре у Кули 4. II нє мали замеркованши успих, алє би ше могло похвалїц Колошняї Бояна III класа, хтори бул други од шицких змагательох по числу бодох.

- Школска слава Святи Сава и того року преславена подобно як и предходних рокох - шветочно. Пияток ше нє отримовала настава, алє ше школяре и наставнїки зишли пред поладньом у фискултурней сали дзе присуствовали удатней приграми

пошвеценей тому дню. А у вечарших годзинох колектив школи отримал свойо традицийни прадки на хторих шветочно випровадзени до пензиї наставнїци - Арваї Мелания, Гарди Амалия и учителька Семан Наталия.

- 16. децембра, у Доме култури, после длугого часу приказовани филм. З тей нагоди то бул домашнї филм "Ивкова слава". На тей премиєри ше представели и дзепоєдни глумци и режисер того филма Здравко Шотра. Медзи єдну таку екипу познатих, представела ше и Даниєла Штайнфелд хтора у тим филме мала визначну улогу. Шицки Керестурци, а поготов ми ґимназиялци ше цешели у Даниєли, бувшей школярки нашей школи.

- Штварток, 15. XII у кабинету физики, отримане пеподаванє - "2005. рок - рок физики" за школярох, а и других

- Тогорочна манифестация "Kостельникова єшень" почала пияток 25.XI у школи.

Ґимназиялци мали госца писателя Владимира Кочиша хтори им приповедал о своєй роботи. Добра часц ґимназиялцох участвовала на младежскей манифестациї "Предлужуюци нїтку", а як публика на нєдзельовим вечару поезиї и музики у ресторанє дзе представена руска антология "Ошлєпени соловей".

                                                                                                                   >>>

- Гоч зме прешлого тижня мали єшеньски роспуст, вон бул богати зоз рижнима интересантнима подїями. Ґимназиялци, матуранти, ше прещешлїви врацели зоз своєй екскурзиї у Греческей 2. XI, a роботнїки школи, истого дня, рушели до нащиви братскей школи у Медзилаборцох у Словацкей.

                                                                                                                                                                                        >>>

- 28. матуранти путую на свою екскурзию до Греческей. Жичиме им щешлїву драгу, красни и приємни дожица!            

- 27. октобра нащивени саям кнїжкох у Београдзе.

- Одходи до Канади у нашим месце и далєй актуелни та залапели и наш колектив. Тих дньох ше одпитуєме од двох своїх колеґох хтори концом октобра одходза з нашого колектива на далєку драгу, до нового, шицки ше наздаваме, лєпшого живота. З тей нагоди то Таня Будински и Дюра Папуґа. Вєдно з нїма випровадзели зме з колектива и Наташу Машич, професорку филозофиї, хтора ше преселєла до Беораду.

                                                                                              >>>

- Пияток, 7. X, по красней хвилї, отримани єшеньски крос на ярашу.

- 16. септембра госц у нашей школи бул министер просвити и спорта Слободан

Вуксанович. Нєсподзивал нас зоз своїм нєкаждодньовим наступом кед поздравял

роботнїкох школи зоз рукованьом, здравканьом - добри дзень, бешедлївосцу, а нє чежко му було побешедовац и зоз школярами хторих стретал. Зоз управу школи затримал ше вецей як годзину у розгваркох о актуелних темох просвити (штрайк, плаци, реформи...), о керестурскей спортскей хали у вибудови, a як тирваца памятка тей нащиви то тоти даскельо слики и дарунок компютер!

 После розпатраня школи и дома школярох затримал ше      

 у валалєу на розгваркох зоз привреднїками и другима.           

- И того 2005/06 шк. року на початку, 12 IX, нащивели нас визначни госци зоз покраїни. Боян Пайтич - предсидатель Вивершней ради АП Войводини зоз заменїком покраїнского секретара за образованє и културу Светлану Вуйович

                                                                                                                 >>>

| назад |

школа нєшка | историят школи | колектив| конкурс | збуваня | мапа | линки